"Бавария" марказий ҳимоячиси Дайо Упамекано хизматларини тўғридан-тўғри "Ливерпуль"га таклиф қилди. Бу ҳақда TZ хабар бермоқда. Манбага кўра, француз "Бавария"да мураккаб вазиятга тушиб қолган.
Янги шартномага кўра, у йилига 18 миллион евро маош олмоқчи, ҳозирги маоши эса 16 миллион. Шунингдек, футболчи 65 миллион евро миқдоридаги товон пули бандини киритишни талаб қилмоқда. Айни пайтда "Бавария" ушбу молиявий талабларнинг ҳеч бирини бажаришни истамаяпти.
Жорий мавсумда 27 ёшли Упамекано барча мусобақаларда 20та ўйинда майдонга тушиб, битта гол уришга муваффақ бўлди. Ҳимоячининг "Бавария" билан амалдаги меҳнат шартномаси яқин ёзда ўз ниҳоясига етади.
