"Bavariya" markaziy himoyachisi Dayo Upamekano xizmatlarini to‘g‘ridan-to‘g‘ri "Liverpul"ga taklif qildi. Bu haqda TZ xabar bermoqda. Manbaga ko‘ra, fransuz "Bavariya"da murakkab vaziyatga tushib qolgan.

Yangi shartnomaga ko‘ra, u yiliga 18 million yevro maosh olmoqchi, hozirgi maoshi esa 16 million. Shuningdek, futbolchi 65 million yevro miqdoridagi tovon puli bandini kiritishni talab qilmoqda. Ayni paytda "Bavariya" ushbu moliyaviy talablarning hech birini bajarishni istamayapti.

Joriy mavsumda 27 yoshli Upamekano barcha musobaqalarda 20ta o‘yinda maydonga tushib, bitta gol urishga muvaffaq bo‘ldi. Himoyachining "Bavariya" bilan amaldagi mehnat shartnomasi yaqin yozda o‘z nihoyasiga yetadi.