"Ливерпуль" ҳимоячиси Жо Гомес Премьер-лиганинг навбатдаги турида "Тоттенхэм"га қарши ўйинда жамоасига ёрдам бера олмайди. Бу ҳақда журналист Жеймс Пирс маълум қилди.
Манбага ишонадиган бўлсак, Гомес жароҳати сабаб "шпорлар"га қарши ўйинни ўтказиб юборади. Бироқ, таъкидланишича, у "Брайтон"га қарши ўйиннинг биринчи бўлимида олган тизза ости пайидаги жароҳат жиддий бўлмаган.
Жорий мавсумда 28 ёшли Гомес барча мусобақаларда 12 та учрашувда майдонга тушиб, 2 та ассистни ўз ҳисобига ёздириб қўйди.
20 декабрь, шанба куни "Ливерпуль" сафарда "Тоттенхэм" меҳмони бўлади.
