"Арсенал" ҳужумчиси Виктор Дьёкереш Швеция футбол ассоциацияси томонидан йилнинг энг яхши ҳужумчиси деб топилди. У Исак ва "Селтик" аъзоси Нюгренни ортда қолдирди.
«Бу воқеаларга бой йил бўлди. Биз Лиссабоннинг "Спортинг"и билан чемпионатни ютдик ва Кубокни қўлга киритдик, ушбу клуб тарихининг бир қисмига айланганимдан шодман.
"Арсенал"га ўтиш, бу ердаги муҳитни ҳис қилиш ва ўйнаш — фантастика. Бу мукофотдан жуда фахрланаман ва хурсандман. 2025 йилдан жуда кўп ижобий хотиралар қолмоқда», – деди Виктор.
Дьёкереш ўтган мавсумда Португалиянинг "Спортинг" клуби сафида жами 52 та ўйинда 54 та гол уриб, 13 та ассист муаллифига айланган. У ёзда 65 миллион евро эвазига Лондонга кўчиб ўтди.
