"Интер" ҳимоячиси Алессандро Бастони "Барселона"нинг қизиқиши ҳақидаги миш-мишларга изоҳ берди.
Футболчи бундай янгиликдан хурсанд эканлигини тан олди. Италиялик футболчи ҳозирги клубида бахтли эканини маълум қилган.
"Кўчишим ҳақида миш-мишлар пайдо бўлса, хурсанд бўламан, демак, ҳаммаси яхши, лекин улар йўқ, ҳеч нарса йўқ. Мен бу ерда, "Интер"да бахтлиман ва бу ерда ҳеч қандай муаммом йўқ. Мен ҳатто янгиликларга ҳам эътибор бермайман", - дейди Бастони.
ОАВ маълумотига кўра, "Барселона" Алессандро Бастонининг хизматларига қизиқиш билдирмоқда. Бу мавсумда футболчи "Интер" сафида 19 та ўйинда майдонга тушиб, битта гол урди ва тўртта голли узатмани амалга оширди.
