Сўнгги кунларда Англияда Хосеп Гвардиоланинг "Манчестер Сити"даги бўлажак ўринбосари ҳақида қизғин миш-мишлар тарқалди.

Маълумотларга кўра, испаниялик мутахассиснинг ўрнини ҳозирги "Челси" бош мураббийи, собиқ "Сити" мураббийи Энцо Мареска эгаллаши мумкин. Агар Гвардиола кетишга қарор қилса, унинг ўрнини босувчини танлашда иштирок этиши мумкин. Хосеп Маресканинг шахсияти ва мураббийлик фазилатларини қадрлайди, дейди инсайдер Фабрицио Романо. Бундан ташқари, "Сити" спорт директори Уго Виана италиялик мураббий агенти Жорже Мендеш билан яхши таниш.

Гвардиоланинг амалдаги шартномаси 2027 йил ёзигача амал қилади.