Журналист Экрем Конурнинг сўзларига кўра, "Бавария" "Челси"дан ижарага олинган ҳужумчи Николас Жексонни сотиб олиш имкониятидан фойдаланишни режалаштирмаяпти.
Манбага кўра, "Бавария" ҳужумчини сотиб олиш имкониятини фаоллаштириши эҳтимолдан йироқ. Премьер-лига ва А Серия клублари, шунингдек, "Галатасарой" Жексонни сотиб олишга қизиқиш билдирмоқда.
"Бавария" Николас Жексонни сентябрь ойида "Челси"дан жорий мавсум охиригача ижарага олган эди. Сенегаллик ҳужумчи бу мавсумда Мюнхен клуби сафида барча мусобақаларда 21 та ўйинда майдонга тушиб, бешта гол урди ва иккита голли узатмани амалга оширди.
