"Реал" президенти Рождество кечки овқатида футбол ва баскетбол жамоалари олдида нутқ сўзлади.

"Клубнинг 123 йиллик фаолияти давомида эришган барча ютуқларимиз ушбу герб ва футболканинг рамзи бўлгани туфайли амалга ошди: машаққатли меҳнат, фидойилик, садоқат, мукаммалликка интилиш, дўстлик, ҳурмат, камтарлик ва бирдамлик. Мен доим айтаман: "Реал"нинг бир қисми бўлиш - бу улкан имтиёз, шу билан бирга улкан масъулият.

Сиз миллионлаб одамларнинг қалбига таъсир қиласиз ва бутун дунё бўйлаб сизни кузатаётганлар, айниқса, сиз кумир бўлган болалар учун намуна ва йўл кўрсатувчи бўлишингиз керак. Доим ёдда тутинг: сиз майдонда ҳам, унинг ташқарисида ҳам "Реал" шарафини ҳимоя қиласиз.

Биз тарихимиздаги энг ёрқин даврлардан бирини бошдан кечирдик: сўнгги 15 йил ичида 58 та соврин - футболда 30, баскетболда 28 та. Улар орасида футбол бўйича олтита ва баскетбол бўйича учта Европа чемпиони унвони бор. Аммо "Реал"да хотиржамликка берилишга ҳаққимиз йўқ. Ҳар йили мана шу универсал туйғуни давом эттириш учун охиригача ишлашимиз шарт.

Клубимиз ижтимоий тармоқларда аллақачон 660 миллион обуначига эга - бу бутун дунё бўйлаб миллионлаб одамлар учун "Реал" нимани англатиши ҳақида тасаввур беради. Бу ерда охиригача курашиш керак ва мен сиздан айнан шуни сўрайман: бу формада ҳеч ким охиригача таслим бўлишга ёки борини беришга ҳаққи йўқ", - деди "Реал" президенти.