Кертис Жонснинг маълум қилишича, аввалроқ "Ливерпул"даги ўйин вақтидан норози бўлган Муҳаммад Салоҳ жамоадан узр сўраган.

"У - мустақил инсон ва ўзи лозим топган нарсани айта олади. У биздан кечирим сўради. У шунақа одам.

Мен фақат у ҳақида билганларим, унинг илгари биз билан қандай мулоқот қилганига асосланиб хулоса чиқара оламан. Ҳамма у билан одатдагидек муомала қиларди. Менимча, гап шунчаки ғалаба қозониш истагида.

Тушунаман, ҳар хил йўл тутиш мумкин, лекин агар ўйинчига ўриндиқдан жой берилса, у ўйнашни ва жамоага ёрдам беришни истамаса, бу жуда катта муаммо", - деди яримҳимоячи.