Мадриднинг "Реал" клуби собиқ ҳужумчиси, Чемпионлар лигаси ғолиби Хоселу "қаймоқранглилар" бош мураббийи Хаби Алонсонинг иши ҳақида гапирди.
"У жуда яхши фазилатларга эга. Алонсо яқиндагина фаолиятини якунлади ва Леверкузенда ҳаммасини жуда тўғри бажарди, аммо "Реал"га мураббийлик қилиш қийин. Ҳа, Хаби "Реал"да ўйнаган ва бунинг нималигини билади. Бу клубга қўйиладиган талаблар "Байер"га ҳам, дунёнинг бошқа жамоаларига ҳам қўйилмайди", - дея Хоселунинг сўзларини келтиради Sport.es.
Хаби Алонсо ўтган ёзда "қаймоқранглилар" бош мураббийи этиб тайинланган эди. Ла Лиганинг 17-туридан кейин Мадрид жамоаси 39 очко жамғариб, 2-ўринни эгаллаб турибди.
