"Эвертон" бош мураббийи Дэвид Мойес Англия Премьер-лигасининг 17-туридан ўрин олган жамоалар ўртасидаги ўйин олдидан Лондоннинг "Арсенал" клуби бош мураббийи Микель Артетанинг футболчилик фаолияти ҳақида гапирди.

"У ҳақиқатан ҳам яхши мактабга эга эди, агар у бошлаган клубларга қарасак: "ПСЖ", "Барселона", "Реал Сосьедад"даги даврлар. У "Глазго Рейнжерс"га, кейин эса бу ерга ўтишдан олдин чемпионлик учун ҳақиқий имкониятга эга эди. У кўплаб клубларни кўрган. Микел баъзан тўнғиллаб қўярди. Бу ҳам яхшилик аломати. У ҳаммаси тўғри бўлишини, ҳаммаси яхши бўлишини ва жамоа яхшироқ ўйнашини хоҳларди. У "Эвертон" учун яхши ўйинчи эди. Ажойиб сардор, ажойиб ўйинчи. Дарҳақиқат, ўша давр учун ажойиб харид", - дея Мойеснинг сўзларини келтиради клуб расмий сайти.

Англия чемпионатида ўтказилган 16 ўйиндан сўнг "Арсенал" 36 очко билан турнир жадвалида пешқадамлик қилмоқда. "Эвертон" эса тўққизинчи ўринда бормоқда, жамоа ҳисобида 24 очко мавжуд.