Микель Артета бир неча йилдан сўнг "Арсенал" бош мураббийлигидан кетиши мумкин. Бу ҳақда The Athletic журналисти Жеймс МакНиколас хабар бермоқда.
Испаниялик мутахассисга яқин манбаларнинг айтишича, у ҳеч қачон мураббийлик кўпригида узоқ вақт қолишга интилмаган. Баъзиларнинг фикрича, у ўн йил давомида "Арсенал"ни бошқармайди. Ҳозир Артета ўз ишига бутунлай берилиб кетган, бироқ эртами-кечми унга танаффус керак бўлишини тушуниб турибди, шунинг учун у "канонирлар"ни тарк этади.
Микель Артета "Арсенал"ни 2019 йилда қабул қилиб олган. Унинг қўл остида "канонирлар" икки марта Англия Суперкубоги ва бир марта Англия кубогини қўлга киритган.
