Мюнхеннинг "Бавария" клуби ҳимоячиси Саша Боэда фаолиятини Англия Премьер-лигасида давом эттириш вариантлари бор. Бу ҳақда Teamtalk журналистлари хабар бермоқда.

Манбага кўра, футболчининг трансферига "Ньюкасл" ва "Кристал Пэлас" клублари қизиқиш билдирмоқда. Клублардан бирига ўтиш январь ойидаги трансфер ойнасида расмийлаштирилиши мумкин.

25 ёшли франциялик футболчи 2024 йилнинг январида "Бавария" сафига қўшилганди. Ҳимоячи Мюнхен гранди билан 2028 йилнинг июнь ойи охиригача шартнома мажбуриятлари бўйича боғланган. Transfermarkt экспертлари баҳосига кўра, Боэнинг бозор нархи 15 миллион еврони ташкил этади.