Myunxenning "Bavariya" klubi himoyachisi Sasha Boeda faoliyatini Angliya Premyer-ligasida davom ettirish variantlari bor. Bu haqda Teamtalk jurnalistlari xabar bermoqda.

Manbaga ko‘ra, futbolchining transferiga "Nyukasl" va "Kristal Pelas" klublari qiziqish bildirmoqda. Klublardan biriga o‘tish yanvar oyidagi transfer oynasida rasmiylashtirilishi mumkin.

25 yoshli fransiyalik futbolchi 2024 yilning yanvarida "Bavariya" safiga qo‘shilgandi. Himoyachi Myunxen grandi bilan 2028 yilning iyun oyi oxirigacha shartnoma majburiyatlari bo‘yicha bog‘langan. Transfermarkt ekspertlari bahosiga ko‘ra, Boening bozor narxi 15 million yevroni tashkil etadi.