"Бавария" марказий ҳимоячи Дайо Упамеканони шартномани узайтиришга кўндириш учун бор кучи билан ҳаракат қилмоқда.
27 ёшли футболчининг меҳнат шартномаси жорий мавсум якунлангач ўз ниҳоясига етади ва бундан уни эркин агент сифатида ўз сафига қўшиб олишни истаган бошқа клублар ҳам фойдаланиши мумкин. Инсайдер Фабрицио Романонинг таъкидлашича, яқинда мюнхенликлар француз вакили билан янги музокаралардан сўнг молиявий жиҳатдан "жуда фойдали" таклиф билан чиққан. Футболчи келажак бўйича якуний қарорга келишга шошилмаяпти, "Бавария" эса имкон қадар тезроқ жавоб олишни истайди.
Миш-мишларга кўра, Дайо Упамеканога Мадриднинг "Реал", "ПСЖ" ва Англия Премьер-лигаси грандлари қизиқиш билдирмоқда.
