"Bavariya" markaziy himoyachi Dayo Upamekanoni shartnomani uzaytirishga ko‘ndirish uchun bor kuchi bilan harakat qilmoqda.

27 yoshli futbolchining mehnat shartnomasi joriy mavsum yakunlangach o‘z nihoyasiga yetadi va bundan uni erkin agent sifatida o‘z safiga qo‘shib olishni istagan boshqa klublar ham foydalanishi mumkin. Insayder Fabrisio Romanoning ta’kidlashicha, yaqinda myunxenliklar fransuz vakili bilan yangi muzokaralardan so‘ng moliyaviy jihatdan "juda foydali" taklif bilan chiqqan. Futbolchi kelajak bo‘yicha yakuniy qarorga kelishga shoshilmayapti, "Bavariya" esa imkon qadar tezroq javob olishni istaydi.

Mish-mishlarga ko‘ra, Dayo Upamekanoga Madridning "Real", "PSJ" va Angliya Premyer-ligasi grandlari qiziqish bildirmoqda.