"Севилья" бош мураббийи Матиас Алмейда Мадриднинг "Реал" клубига қарши кечган ва 0:2 ҳисобидаги мағлубият билан якунланган ўйиндаги ҳакамлардан норози бўлди.
Учрашувнинг 38 ва 86-дақиқаларида Жуд Беллингем ҳамда Килиан Мбаппенинг голлари "қаймоқранглилар"га ғалаба келтирди. Биринчи бўлим охирида ҳакам меҳмонлар устозини майдондан четлатган бўлса, 68-дақиқада ҳимоячи Маркос Маркан ҳам қизил карточка олди.
Мбаппенинг голи пенальтидан урилди. Яна бир неча дақиқадан сўнг ҳакам яна нуқтага ишора қилди, аммо видеотакрорни кўргандан сўнг қарорини ўзгартирди.
"Ҳакамлар бундай ёмон ишласа, уларни четлатиш керак. Мен ҳеч қачон кимдир икки дақиқа ичида иккита пенальти белгилаганини кўрмаганман," - деди Алмейда матбуот анжуманида.
"Севилья" йилни Ла Лига жадвалида тўққизинчи ўринда якунламоқда. "Реал" - иккинчи.
