"Ювентус" ҳужумчиси Франсишку Консейсау "Рома"га қарши ўйиндан кейин ўз фикрларини билдириб ўтди. Италия А Серияси 16-туридан ўрин олган учрашув 2:1 ҳисобида туринликлар фойдасига ҳал бўлди.
"Биз ҳақли ғалабани қўлга киритдик, ўз бурчимизни бажардик. Скудетто? Биз курашни давом эттиришимиз керак. Иккита муҳим ўйинда ғалаба қозондик, энди кейинги ўйин ҳақида ўйлаймиз. Спаллетти талабчан, аммо "Ювентус" ҳар доим ғалаба қозониши керак", - дея Консейсаунинг сўзларини келтиради журналист Николо Скира.
16 турдан сўнг "Ювентус" 29 очко билан Италия чемпионати турнир жадвалида бешинчи ўринда бормоқда. Лучано Спаллетти шогирдлари кейинги турда "Пиза" меҳмони бўлади.
