"Тоттенхэм"нинг нидерландиялик яримҳимоячиси Хави Симонс Англия Премьер-лигасининг 17-туридан ўрин олган ўйинда "Ливерпуль" ҳимоячиси Виржил ван Дейкка нисбатан ишлатилган қўполлик учун узр сўради. Жамоалар Лондондаги "Тоттенхэм" стадионида ўйнашди.
"Хатолар бўлиб туради. Виржил - менинг капитаним, мен ҳеч қачон унга ёки бошқа бировга қасддан зарар етказмаган бўлардим. "Тоттенхэм"даги шерикларим, мураббийим ва мухлисларимга мурожаат қиламан: мен жавобгарликни ўз зиммамга оламан, жуда афсусдаман", - деб ёзди Симонс ижтимоий тармоқда.
Симонс 33-дақиқада ватандоши ван Дейкка нисбатан қўполлик ишлатгани учун тўғридан-тўғри қизил карточка олди.
