"Борнмут" вингери Антуан Семеньо юқори даражадаги ўйини сабаб АПЛ грандлари эътиборини тортди. Катта эҳтимол билан 25 ёшли ганалик қишда жамоасини ўзгартиради.
The Guardian’нинг ТЕАМtalk’га таяниб хабар беришича, Семеньонинг танлови қуйидагича: устувор вариант - "Ливерпуль", иккинчи ўринда - "Манчестер Сити", учинчи ўринда - "Манчестер Юнайтед".
Умуман олганда, Семеньо "Ливерпуль" билан келиша олмаган тақдирдагина "Сити"га ўтади. "Юнайтед" эса футболчи учун курашда ғалаба қозониши жуда қийин бўлади.
Қайд этилишича, Антуан Семеньонинг шартномасида уни 65 миллион фунт - тахминан 74 миллион еврога сотиб олиш имконияти кўрсатилган.













