Мадриднинг "Атлетико" клуби бош мураббийи Диего Симеоне "Жирона"га қарши кечган ғалабали ўйин ҳақида фикрларини билдирди. Ла Лига 17-тур учрашуви 0:3 ҳисобида якунланди.
"Пубиль учун жуда хурсандман. У ўз позициясидаги турли ҳаракатларни такомиллаштириши керак, аммо унда тезлик ва куч бор, оёқлари билан яхши ўйнайди.
Ўтган мавсумда Чемпионлар Лигасида жуда яхши натижа кўрсатдик. Ла Лигада эса бизга ғайрат етишмади. Ҳар сафар "Реал" ва "Барса"ни кўрганимда, турли вазиятлар туфайли 100 фоиз ҳаракатимиз етарли эмаслигини ўйлайман. Биз 110 фоиз куч сарфлашимиз лозим", - деди аргентиналик мутахассис.
Ушбу беллашувдан сўнг "Атлетико" 37 очко билан 3-ўринда бормоқда. "Реал"да 42 очко, "Барселона"да 43 очко бор. "Жирона" 15 очко билан ўн саккизинчи.
