"Манчестер Юнайтед"нинг собиқ футболчиси Гари Невилл "Челси" бош мураббийи Энцо Мареска ҳақида фикр билдирди.
Сўнгги вақтларда матбуотда италиялик мутахассис ва клуб босслари ўртасидаги келишмовчиликлар қизғин муҳокама қилинмоқда. Бундай гап-сўзларга мураббийнинг матбуот анжуманларида айтган гаплари сабаб бўлди.
"Мареска - ажойиб мураббий, аммо менда унга тажрибали футболчилар керак, "Челси"нинг ҳозирги таркибига эса тажрибалироқ мураббий керак, деган тасаввур пайдо бўлди. Бу жамоа Мареска учун жуда ёш," - деди Невилл.
"Кўклар" Премьер-лига 17-туридан кейин турнир жадвалида тўртинчи ўринда бормоқда. 27 декабрь куни лондонликлар ўз уйларида "Астон Вилла"ни қабул қилишади.
