"Манчестер Юнайтед"нинг машҳур собиқ ҳимоячиси Гари Невилл "Астон Вилла"га қарши ўйинда ҳужумчи Матеус Куньянинг хатога йўл қўйгани ҳақида гапирди.
"Қизил иблислар" якшанба куни бўлиб ўтган Премьер-лига баҳсида мағлубиятга учради - 1:2. Учрашувнинг 67-дақиқасида бразилиялик футболчи ҳисобни тенглаштириши мумкин эди, бироқ у қулай вазиятдан дарвозага аниқ зарба бера олмади.
"Ё Худойим... Бу хатодан ёмонроқ нарса топиш қийин. У гол уришга мажбур эди. Маунтнинг ажойиб узатмаси, Доргунинг ажойиб кросси. Кунья аниқ зарба бериши қолганди. Унинг баҳонаси йўқ. У гол уриши керак эди," - деди Sky Sports эксперти.
Айнан Матеус Кунья "Юнайтед"нинг Бирмингемдаги ягона голига муаллифлик қилди - у биринчи бўлим охирида ўз исмини таблога ёздириб қўйди.
