"Манчестер Сити" ярим ҳимоячиси Оскар Бобб Англия Премьер-лигасининг бошқа клубига ўтиши мумкин. Бу ҳақда Mail Sport журналистлари хабар бермоқда.
Манбага маълум бўлишича, норвегиялик футболчини "Кристал Пэлас" ўз сафига қўшиб олмоқчи. "Бургутлар" Боббни жорий мавсум якунига қадар ижарага олиш вариантини кўриб чиқмоқда.
22 ёшли ярим ҳимоячи 2023 йилдан бери "Манчестер Сити" шарафини ҳимоя қилмоқда. Боббнинг "шаҳарликлар" билан шартномаси 2029 йилнинг июнь ойи охирида ўз ниҳоясига етади. Унинг трансфер нархи 25 миллион еврога баҳоланмоқда.
Англия чемпионатининг жорий мавсумида Оскар 9 та ўйин ўтказиб, 1 та голли узатмани амалга оширди.
