"Аякс" ёшлар жамоаси ярим ҳимоячиси Марк Веркейлнинг ёқтирган қизини машина уриб кетди, деб ёзади ESPN.
Ҳодиса 18 декабрь, пайшанба куни Утрехт вилоятидаги Эде ва Венендал шаҳарлари ўртасидаги йўлда содир бўлган. 21 ёшли қизни югуриш вақтида автомобиль уриб юборган ва олган тан жароҳатлари туфайли шифохонада вафот этган.
Ҳайдовчи 54 ёшли аёл бўлиб, у воқеа жойидан қочиб кетган, бироқ кечқурун ўз уйида полиция томонидан қўлга олинган.
Футболчи "Аякс" тизимида ўйнайди, аммо ҳали асосий жамоада дебют қилмаган. Клуб ходимлари ва футболчилари жароҳатидан фориғ бўлаётган футболчи ҳолидан хабар олиб, ҳамдардлик билдиришди.
"Аякс-2" - "Валвейк" учрашуви олдидан Веркейлнинг севгилиси хотирасига бир дақиқалик сукут эълон қилинади.
