Мадриднинг "Реал" клуби ўнг қанот ҳимоячиси Дани Карвахаль жорий мавсум якунлангач жамоани тарк этади. Бу ҳақда El Nacional хабар берди.

Манбага кўра, "қироллик клуби" раҳбарияти ҳимоячига янги меҳнат шартномасини таклиф қилмоқчи эмас. Карвахалнинг "қаймоқранглилар" билан амалдаги шартномаси 2026 йилнинг июнь ойи охирида ўз ниҳоясига етади.

33 ёшли испаниялик "Реал" сафида 2013 йил ёзидан буён тўп тепиб келмоқда. Карвахалнинг бозор нархи етти миллион еврога баҳоланмоқда.

Испания чемпионатининг жорий мавсумида ҳимоячи еттита учрашувда иштирок этди.