"Бавария" Германия Бундеслигаси тарихига кирди. Opta’нинг ёзишича, мюнхенликлар Германия чемпионати турнир жадвалида бутун 2025 йил давомида 34 та турнинг ҳар биридан сўнг биринчи ўринни эгаллаб келган.
Бунгача Бундеслига тарихида календарь йилининг барча турларидан кейин бир жамоа пешқадамлик қилган ҳолат кузатилмаган.
"Бавария"нинг бу рекордини бошқа жамоа такрорлаши жуда қийин бўлади.
2025 йилдаги сўнгги ўйинда "Бавария" сафарда "Хайденхайм"ни 4:0 ҳисобида мағлуб этганди. Венсан Компани жамоаси Бундеслигада 2-ўриндаги "Боруссия"ни 9 очкога ортда қолдирган ҳолда пешқадамлик қилмоқда.
