Халқаро футбол федерацияси (ФИФА) тўп майдон ташқарисига чиқиб кетганини аниқлашга ёрдам берадиган янги технологияни синовдан ўтказмоқда, деб ёзади BBC.
Out of Bounds деб номланган инновация 2025 йил декабрь ойида Қатарда бўлиб ўтган Қитъалараро кубокнинг учта ўйинида синовдан ўтган технологиялар сериясидан бири бўлди.
ФИФА, шунингдек, кўриш чизиғини ҳисобга олган ҳолда офсайд қарорларни тезлаштириш ва тушунарлироқ қилиш учун реал вақт режимида 3D реконструкция қилиш имкониятларини кенгайтирди.
Янги технологиялар ФИФА ва Hawk-Eye Innovations томонидан ишлаб чиқилган. Улар миллий лигаларга тақдим этилиши ҳозирча номаълум.













