Испаниянинг "Бетис" клуби "Хетафе" дарвозасига 4 та тўп киритиб, йилни ажойиб тарзда якунлади ва Испания чемпионати турнир жадвалида 6-ўринга кўтарилиб олди. Ушбу ғалаба севильяликлар учун 2025 йилда клуб иштирок этган барча турнирларни ҳисобга олган ҳолда тақвим йилининг 29-ғалабаси бўлди.
Бундай кўрсаткич тўрт йил аввал, 2021 йилда ўрнатилган клуб рекордининг такрорланиши бўлди. Энди жамоани кейинги турда Мадридда оғир имтиҳон кутмоқда - "Реал"га қарши ўйин. У тўртинчи январда бўлиб ўтиши керак.
Эслатиб ўтамиз, "Бетис" фақат бир марта - 1935 йилда, фуқаролар уруши бошланишидан бир йил олдин Испания чемпиони бўлганди.
