Мюнхеннинг "Бавария" клуби ҳимоячиси Саша Боэ Германия Бундеслигасини Туркия чемпионатига алмаштириши мумкин. Бу ҳақда ижтимоий тармоқлар орқали инсайдер Флориан Плеттенберг маълум қилди.
Журналистнинг маълум қилишича, футболчининг трансферига Истанбулнинг "Галатасарой" клуби қизиқиш билдирмоқда. Турклар Боэ учун АПЛнинг икки вакили - "Ньюкасл" ва "Кристал Пэлас" билан курашишга тайёр.
Ўз навбатида, "Бавария" ҳимоячини сотишдан тахминан 20 миллион евро ишлаб олмоқчи.
Саша Мюнхен грандида 2024 йилнинг январидан буён тўп тепиб келмоқда. Томонлар ўртасидаги меҳнат шартномаси 2028 йил июнь ойи охирида тугайди. Transfermarkt портали унинг нархини 18 миллион еврога баҳоламоқда.
