"Ливерпуль" бош мураббийи Арне Слот жамоа ҳужумчиси Александр Исак қанча муддатга сафдан чиққани ҳақида гапирди.
Швециялик ҳужумчи АПЛнинг 17-туридан ўрин олган "Тоттенхэм"га (2:1) қарши ўйинда болдир суягидан жароҳат олди. Ушбу учрашувда Исак ўз ҳисобига гол ёздириб қўйди.
- Узоқ муддатга, камида бир-икки ойга кетди. Унинг ҳам, бизнинг ҳам ҳафсаламиз пир бўлди. Менимча, бу ўйламасдан қилинган "подкат" эди. Мен [аввалроқ] Хави Симонснинг Виржил ван Дейкга нисбатан қўполлиги ҳақида кўп гапирганман, бунинг учун у четлатилган, лекин менимча, бу қоидабузарлик атайлаб қилинмаган. Бундай қўполликдан жароҳат олиш қийин деб ўйлайман. Ван де Вен билан боғлиқ вазиятда, агар сиз бундай подкатни 10 марта қилсангиз, унда 10 ҳолатда футболчининг жиддий жароҳат олиш эҳтимоли жуда ва жуда юқори," - дея Слотнинг сўзларини келтиради Sky Sports.
