"Liverpul" bosh murabbiyi Arne Slot jamoa hujumchisi Aleksandr Isak qancha muddatga safdan chiqqani haqida gapirdi.
Shvesiyalik hujumchi APLning 17-turidan o‘rin olgan "Tottenxem"ga (2:1) qarshi o‘yinda boldir suyagidan jarohat oldi. Ushbu uchrashuvda Isak o‘z hisobiga gol yozdirib qo‘ydi.
- Uzoq muddatga, kamida bir-ikki oyga ketdi. Uning ham, bizning ham hafsalamiz pir bo‘ldi. Menimcha, bu o‘ylamasdan qilingan "podkat" edi. Men [avvalroq] Xavi Simonsning Virjil van Deykga nisbatan qo‘polligi haqida ko‘p gapirganman, buning uchun u chetlatilgan, lekin menimcha, bu qoidabuzarlik ataylab qilinmagan. Bunday qo‘pollikdan jarohat olish qiyin deb o‘ylayman. Van de Ven bilan bog‘liq vaziyatda, agar siz bunday podkatni 10 marta qilsangiz, unda 10 holatda futbolchining jiddiy jarohat olish ehtimoli juda va juda yuqori," - deya Slotning so‘zlarini keltiradi Sky Sports.
