Португалия терма жамоаси бош мураббийи Роберто Мартинес ўз терма жамоаси ЖЧ-2026 фаворити эмас, балки ғолибликка даъвогарлар қаторига киришини таъкидлади.
"Менимча, жаҳон чемпионатида ғалаба қозонганларнигина фаворит деб аташ мумкин. Психологик нуқтаи назардан, олдинги авлодлар ушбу турнирни қўлга киритганини билиш алоҳида куч бағишлайди. Шундай бўлса-да, мен футболчиларимга катта ишонч билан қарайман," - дея Мартинеснинг сўзларини келтиради Marca.
Мутахассиснинг фикрича, Испания ва Германия каби терма жамоалар жаҳон чемпионатига жуда яхши ҳолатда келишмоқда. Франция, Бразилия ва Аргентина эса, унинг фикрича, катта турнирлар учун яратилган.
Жаҳон чемпионати 2026 йилнинг ёзида АҚШ, Канада ва Мексикада бўлиб ўтади. Унда тарихда илк бор 48 та терма жамоа иштирок этади.
