"Милан" Никлас Фюллькруг бўйича келишувни якунламоқда.
Аввалроқ, "россонерилар" "Вест Хэм" ҳужумчисини сотиб олиш ҳуқуқи билан мавсум охиригача ижарага олиши маълум бўлганди.
Кеча германиялик футболчи Италия клубида тиббий кўрикдан муваффақиятли ўтди. У янги жамоасида 9-рақамни олади. Миланликлар ёзда Фюллькругни тахминан 5 миллион еврога сотиб олиши мумкин, деб ёзади Sky Sport журналисти Флориан Плеттенберг.
"Вест Хэм" Никласнинг маошидан ёзгача 1,3 млн еврони тежаб қолади. Январь ойида "болғачилар" камида битта янги ҳужумчи билан шартнома имзолаши кутилмоқда. Клуб бозорни ўрганмоқда.
Фюллькруг жорий мавсум АПЛда 8 та ўйинда майдонга тушди ва ўз ҳисобига гол ёздириб қўймади.
