Италиянинг "Милан" клуби германиялик собиқ ҳужумчиси Оливер Бирхофф ҳозирда клубда нималар бўлаётганини диққат билан кузатмоқда. У Массимилиано Аллегрининг клуб бош мураббийи этиб тайинланишини жуда ижобий баҳоламоқда.
"Бу жуда тажрибали мураббий, у майдонда футболчиларни яхши позицияга қўяди ва жуда кўп нарса ютган. Унинг келиши клубга туртки беришини кутгандим - ва бу содир бўлмоқда," - дея Бирхоффнинг сўзларини келтиради pianetamilan.it.
Эслатиб ўтамиз, германиялик марказий ҳужумчи 1998-2001 йилларда "Милан" шарафини ҳимоя қилган, 2003 йилда фаолиятини "Кьево"да якунлаган. Италиянинг "Удинезе" жамоасида ҳам ўйнаган.
