Таниқли инсайдер Фабрицио Романо "Милан" "Фенербахче" марказий ҳимоячиси Милан Шкриньярга қизиқиш билдираётгани ҳақидаги миш-мишларга муносабат билдирди.

"Интер"нинг 30 ёшли собиқ футболчиси "россонерилар"нинг қишки трансферлар ойнасидаги мақсадларидан бири сифатида тилга олинди.

"Милан"да бошқа профилдаги ҳимоячи қидирилмоқда. Шкриньяр "Фенербахче" сардори, у сотилмайди. Ҳозирча унинг "Милан"га ўтиши мумкинлигини тахмин қилиш учун ҳеч қандай асос йўқ," - дейди трансферлар бўйича мутахассис Романо.

Милан Шкриньяр 2017 йилдан 2023 йилгача "Интер" шарафини ҳимоя қилган. Ўтган ёзда "Фенербахче" словакни "ПСЖ"дан 6 млн еврога сотиб олганди. Transfermarkt порталида футболчининг нархи - 11 млн евро.