"Тоттенхэм" марказий ҳимоячиси Раду Дрэгушин Италияга қайтиши мумкин. Журналист Мирко ди Наталенинг хабар беришича, 23 ёшли футболчига "Ювентус" қизиқиш билдирмоқда ва у аллақачон эҳтимолий битим шартларини ўрганмоқда. "Шпорлар" румин футболчиси сотувидан тахминан 30 млн евро ишлаб олишни мўлжалламоқда.
Раду Дрэгушин яқинда хочсимон боғлам жароҳатидан тузалди. "Ливерпуль"га қарши ўйинда футболчи жорий мавсумда илк бор лондонликлар қайдномасига киритилди, аммо майдонга тушмади.
Transfermarkt порталида футболчининг тахминий нархи - 22 млн евро. 2024 йил бошида "Тоттенхэм" уни "Женоа"дан 25 миллион еврога сотиб олган эди.
