"Марсель"нинг 18 ёшли ярим ҳимоячиси Дарриль Баколага бир қатор топ-клублар қизиқиш билдирмоқда.
Foot Mercato хабарига кўра, футболчининг ҳолатини "Арсенал", "Штутгарт" ва Дортмунднинг "Боруссия" клублари кузатиб бормоқда. Шунингдек, Бакола бўйича норасмий музокаралар аллақачон "Челси" томонидан олиб борилаётгани ҳақида ҳам маълумотлар бор.
"Марсель" Баколани жамоада олиб қолмоқчи ва ярим ҳимоячига шартномани узайтириш бўйича таклиф юборган. Французнинг амалдаги келишуви 2027 йилнинг ёзида ўз ниҳоясига етади.
Жорий мавсумда Бакола Лига 1да 7та ўйинда иштирок этган бўлса, Чемпионлар лигасида "Ньюкасл"га қарши баҳсда майдонга тушиб, голли узатмани амалга оширди.













