Якшанба куни мамлакатимизда иккинчи давра беллашувларига старт берилади. Июль ойи сўнггида мамлакат кубоги ярми финалида илк учрашувни Тошкентда “Пахтакор”га қарши ўтказган "Насаф" футболчилари бир кунлик танаффусдан кейин Қаршидаги базада иккинчи давранинг илк учрашувига тайёргарликни бошлаб юборишди.

Давралар оралиғида жамоамиз таркибини бир қатор футболчилар тарк этишди. Ярим ҳимоячи Мирзакамол Камолов ва дарвозабон Ғайрат Ҳасанов “Нефтчи” билан шартномага имзо чеккан бўлишса, ёш ярим ҳимоячи Элдор Бойматов ижара асосида мавсум якунига қадар “Қизилқум” жамоасида тўп тепиши мумкин. Шунингдек, қаршилик футбол ишқибозларига яхши таниш бўлган, мавсумни “Олмалиқ” жамоасида бошлаган Самандар Шодмонов иккинчи даврани “Насаф” ўтказади. У жамоада 8-рақам остида ҳаракат қилади.

Август ойида "Насаф" бешта расмий учрашувда майдонга чиқишади. 4 август санасида “насаф”чилар Қаршида “Гулистон” билан куч синашишса, 10 август куни сафар “Қизилқум” меҳмони бўлишади. Орадан роппа-роса бир ҳафта ўтгач, чемпионат доирасида “Насаф” Самарқандда “Динамо” билан ҳисоб-китоб қилади. 21 август куни эса Ўзбекистон кубоги ярим финалининг жавоб учрашувида “Пахтакор” қаршида меҳмон бўлади. Ушбу ўйиндан беш кун ўтиб мухлислар “Марказий” стадионда “Насаф” – “Сўғдиёна” қарама-қаршилигига гувоҳ бўлишади.