Ярим ҳимоячи Бруну Фернандеш Премьер-лиганинг навбатдаги турида "Ньюкасл"га қарши ўйинни ўтказиб юборади. "Қизил иблислар" бош мураббийи Рубен Аморимнинг сўзларига кўра, таркибда Фернандешни алмаштиришнинг имкони йўқ.
"Брунуни алмаштиришнинг иложи йўқ. Мен буни бугун эрталаб жамоага айтдим. Агар бу ерда умуман ижобий нарсани топиш мумкин бўлса, бундан ижобий нарса олиш керак. Кўпчилик ўз зиммасига кўпроқ масъулият олишига тўғри келади.
Гап фақат ҳужумларни яртишда эмас. Ҳар бир стандартда айнан Бруну жамоани бошқаради. У майдондаги ҳар бир позицияни тушунади, ҳар бир деталга эътибор беради. Ўйинчи алмаштирилганда айнан у бошқа футболчиларга қаерда жойлашиш кераклигини кўрсатади," - деди Аморим журналистларга.
"МЮ" ва "Ньюкасл" 26 декабрь, жума куни ўзаро баҳс олиб боради.
