"Челси" бош мураббийи Энцо Мареска матбуот анжуманида икки футболчи сафга қайтганини маълум қилди. Эстевао ва Лиам Делап "Астон Вилла"га қарши Премьер-лига ўйинида жамоага ёрдам беришга тайёр бўлади.
"Эстевао ва Делап шанба кунги ўйинга тайёр. Биз Делапнинг қанча вақтда сафга қайтишини аниқ билмасдик, у шанба куни тайёр бўлади. Футболчиларимиз қайтаётганидан хурсандмиз," - деди Мареска журналистларга.
"Челси" ва "Астон Вилла" ўйини 27 декабрь куни Тошкент вақти билан соат 22:30да бошланади. Лондонликлар Премьер-лига турнир жадвалида тўртинчи (29 очко), бирмингемликлар эса учинчи (36 очко) ўринда бормоқда.
