"Манчестер Юнайтед" сардори Бруну Фернандеш жароҳат олиб сафдан чиқди. Португалиялик юлдуз Премьер-лига доирасидаги "Астон Вилла"га қарши ўйинда жароҳат олиб, танаффусда захирага олинди. Журналист Саймон Стоуннинг маълум қилишича, "МЮ"дагилар 31 ёшли ярим ҳимоячи "Манчестер Сити"га қарши ўйингача тикланиб олади, деб ҳисобламоқда. Дерби 17 январь куни "Олд Траффорд"да бўлиб ўтади.

Шу тариқа, агар ҳаммаси кўнгилдагидек кетса, Фернандеш "қизил иблислар"нинг бешта ўйинини ўтказиб юборади: "Ньюкасл" (26.12), "Вулверхэмптон" (30.12), "Лидс" (04.01), "Бёрнли" (07.01) ва "Брайтон" (Англия кубоги, 11.01).

Хавбек жорий мавсумда Рубен Аморим жамоаси сафида 18 ўйинда 5та гол ва 7та ассистни ўз ҳисобига ёздириб қўйди.