"Барселона" бош мураббийи Ханс-Дитер Флик қишки трансферлар даврида таркибнинг кучайишига умид қилмоқда.
Германиялик мураббий клуб раҳбариятига январь ойида янги марказий ҳимоячи сотиб олиш зарурлигини маълум қилди, деб хабар беради Sport. Мутахассис қанот ҳимоячилари билан боғлиқ вазиятдан ҳам хавотирда, шу боис, катта эҳтимол билан, бозорда қанотда ўйнай оладиган марказий ҳимоячига устунлик берилади.
"Барселона" Ла Лига турнир жадвалида 46 очко билан пешқадамлик қилмоқда ва бу борада "Реал" (42), "Атлетико" (37) ва "Вильярреал" (35) клубларини ортда қолдирмоқда.
