"Ливерпуль" ярим ҳимоячи Алексис Мак Аллистер билан шартномани узайтирмоқчи.

Аргентиналик футболчининг амалдаги келишуви 2028 йилда ўз ниҳоясига етади, бироқ "қизиллар" раҳбарияти хавбек билан янги битим тузмоқчи, деб хабар бермоқда журналист Иан Дойл. Клубда жаҳон чемпионига "Реал"дан қизиқиш борлиги ҳақида эшитишган, шу боис тез орада 27 ёшли футболчи билан аниқ музокараларни бошлаш режалаштирилган. Алексис МакАллистер 2023 йилнинг ёзида "Брайтон"дан "Ливерпуль"га ўтганди.

Жорий мавсумда футболчи барча мусобақаларда Арне Слот жамоаси сафида 24 та ўйинда битта гол урди ва иккита голли узатмани амалга оширди.