Саудия Арабистони клублари томонидан ҳужумчи Марио Балотеллининг хизматига қизиқиш борлиги ҳақидаги маълумотлар рад этилди.
35 ёшли футболчи "Ал-Иттифоқ"га ўтиши мумкинлиги айтилганди. Таниқли журналист Бен Жейкобснинг таъкидлашича, бу маълумотларнинг ҳақиқатга ҳеч қандай алоқаси йўқ. Италиялик футболчига Саудия чемпионатида талаб йўқ.
Марио Балотелли ўтган мавсум якунлангач, "Женоа"ни тарк этди - шундан бери форвард эркин агент бўлиб қолмоқда. Бунгача футболчи "Адана Демирспор", "Сон", "Монца", "Брешия", "Марсель", "Ницца", "Ливерпуль", "Милан", "Манчестер Сити" ва "Интер" шарафини ҳимоя қилган.
