"Манчестер Юнайтед" бош мураббийи Рубен Аморим клубнинг трансфер режалари борасида янги фикр билдирди. Португалиялик мутахассис яна бир бор клуб узоқ муддатли лойиҳанинг бир қисмига айланадиган футболчиларнигина ўз сафига қўшиб олишга тайёрлигини таъкидлади.
"Биз ўзимиз жалб қилаётган футболчиларга ишонишимиз керак. Биз ўтмишдаги хатоларни такрорлай олмаймиз," - деди Аморим Sky Sports’га берган интервьюсида.
Футбол бўйича Англия чемпионати доирасида "Манчестер Юнайтед" 26 декабрь, жума куни ўз майдонида "Ньюкасл"га қарши баҳс олиб боради. Ўйин Тошкент вақти билан 01:00 да бошланади.
