Ҳужумчи Эндрик 2025/2026 йилги мавсумнинг иккинчи қисмини "Лион"да ўтказади. Сешанба куни француз клуби Эндрикни "Реал"дан 1 миллион евро эвазига ижарага олганини эълон қилди.
Эндрик аллақачон "Лион"да ўйин рақамини танлаган. Клуб матбуот хизмати бразилиялик футболчининг 9-рақам акс этган футболка билан тушган суратини эълон қилди.
Эндрик барқарор ўйин амалиётига эга бўлиш учун "Лион"га йўл олди. Мавсумнинг биринчи қисмида 19 ёшли бразилиялик футболчи "Реал"нинг фақат учта ўйинида майдонга тушди.
Франция чемпионатининг навбатдаги ўйинини "Лион" 3 январь куни сафарда "Монако"га қарши ўтказади. Ҳозирда "тўқувчилар" Лига 1 турнир жадвалида бешинчи ўринни эгаллаб турибди.













