Бурунди чемпионатининг иккинчи дивизиони клуби “Гепе-ду-Лак” ярим ҳимоячиси Игиранесе Айме Герику ўйин вақтида ҳалок бўлди. Бу ҳақда Sport News Аfrica нашри хабар берди.

Унга кўра, футболчи ўйин пайти майдонда йиқилган. Тиббиёт ходимлари биринчи ёрдам кўрсатишга ҳаракат қилган, аммо касалхонага етиб бормасдан вафот этган. Бурунди футбол федерацияси воқеага изоҳ бериб, Герикунинг оиласи ва яқинларига ҳамдардлик билдирган, бироқ фожианинг аниқ сабаблари кўрсатилмаган.

Манбаларга кўра, ушбу танга сеҳрга оид эътиқодлар билан боғлиқ бўлиши мумкин. Чунки бу каби амалиётлар Бурундида кенг тарқалган. African Public Radio нашрининг хабар беришича, футболчининг ўлимига сабаб фақат танга эмас, балки сеҳр-жоду учун ишлатиладиган буюмлар (тумор) ҳам сабаб бўлган.

Бурундида баъзи футболчилар, клублар ёки мухлислар ўйиннинг натижасига таъсир қилиш ёки уни олдиндан билиш мақсадида бундай буюмларга ёки сеҳргарларнинг маслаҳатларига таянади. Айме Герику ҳам шу мақсадда сеҳрланган тангани оғзида олиб юрган, аммо ўйин вақтида бехосдан тангани ютиб юборган. Ушбу фожиа ички ва халқаро жамоатчиликда катта ташвиш уйғотган.