"Ливерпуль" бош мураббийи Арне Слот Федерико Кьеза учун фитнес-режа тузди.
Италиялик футболчи байрам кунлари индивидуал дастур бўйича машғулот ўтказади, дея хабар бермоқда The Athletic. 28 ёшли футболчи жисмоний тайёргарлик устида ишлаши керак, деб ҳисоблаётган "қизиллар" бош мураббийи шундай кўрсатма берди. Вингер Рождествода клубнинг машғулот базасида мустақил равишда шуғулланади.
Футбол бўйича Англия Премьер-лигаси 18-турида "Ливерпуль" 27 декабрь, шанба куни ўз майдонида "Вулверхэмптон"ни қабул қилади.
Федерико Кеза жорий мавсумда барча мусобақаларда 17 та ўйинда майдонга тушиб, 2 та гол урди ва 3 та голли узатмани амалга оширди.
