Лондоннинг "Тоттенхэм" клуби қишки трансферлар ойнасида нималарни режалаштираётгани ҳақида маълумотлар пайдо бўлди.
The Sun нашрига маълум бўлишича, январь ойи ҳолатига кўра, "Тоттенхэм" раҳбарияти янги футболчиларни сотиб олиш учун 172,5 млн евро ажратган.
Аввалроқ, "шпорлар" "Манчестер Сити"дан Омар Мармуш ва Савиога қизиқиш билдираётгани ҳақида хабарлар тарқалган эди. Бундан ташқари, пойтахт клуби дарвоза позициясини, шунингдек, майдон марказини кучайтириш ниятида.
Ортда қолган 17 турдан сўнг "Тоттенхэм" Англия Премьер-лигаси турнир жадвалида 22 очко билан 14-ўринда бормоқда.
28 декабрь, якшанба куни Томас Франк шогирдлари "Кристал Пэлас" меҳмони бўлади. 18-тур ўйини Тошкент вақти билан 20:30 да старт олади.
